Նորարարություններին աջակցող հիմնադրամն ամփոփել է «Ուսանողական ստարտափ» («Студенческий стартап») համառուսաստանյան մրցույթի արդյունքները, որն անցկացվել է համալսարանական տեխնոլոգիական ձեռներեցության հարթակի շրջանակում։

Հաղթողների թվում են նաև Ռուս-Հայկական համալսարանի Մաթեմատիկայի, ֆիզիկայի և բարձր տեխնոլոգիաների ինստիտուտի ուսանողներ Մարիա Մարտիրոսյանը, Միքայել Գաբրիելովը, Արթուր Սարգսյանը և Արման Մարտիրոսյանը։ Նրանք արժանացել են 1 000 000 ռուբլու դրամաշնորհի, որը հնարավորություն կտա զարգացնել իրենց ստարտափ գաղափարները, ստեղծել նախատիպեր և կյանքի կոչել իրենց նախագծերը։

Սրտանց շնորհավորում ենք մեր ուսանողներին և մաղթում նոր հաջողություններ, համարձակ գաղափարներ ու մեծ ձեռքբերումներ։