Դեկտեմբերի 14-ին ՌՀՀ Իրավունքի ինստիտուտի և Resolve Academy-ի համագործակցությամբ անցկացվեց «Թվային սահման. Իրավական և գործառնական ռիսկերի կառավարում զարգացող տեխնոլոգիաներում» թեմայով կլոր սեղան-քննարկումը։

 

Կլոր սեղանի մասնակիցները ներկայացրեցին արհեստական բանականության, բլոկչեյնի և խելացի պայմանագրերի իրավական խնդիրները, պատասխանատվության հարցերը և կարգավորիչ խնդիրները։ Տեխնոլոգիական լուծումների կիրառման ընթացքում առաջացող իրավական ռիսկերը, ինչպես նաև վեճերի լուծման և պայմանագրերի կատարման հետ կապված մարտահրավերները դարձան քննարկման առանցքային թեմաներ։ Բանախոսները ներկայացրին կիբեռանվտանգության ոլորտի օրենսդրության վերջին զարգացումները (օրինակ՝ GDPR և CCPA) և ռիսկերի կառավարման արդյունավետ մոտեցումները։

 

Միջոցառումը նպաստեց ոլորտի մասնագետների և ուսանողների միջև մասնագիտական փորձի փոխանակմանը, նորարարական տեխնոլոգիաների իրավական կառավարման ոլորտում հիմնախնդիրների բացահայտմանը։