РОССИЙСКО-АРМЯНСКИЙ УНИВЕРСИТЕТ

29 Հոկ
2025

ՌՀՀ-ում կայացավ բաց դաս՝ նվիրված օրորոցային երգերին

Հայոց լեզվի և գրականության ամբիոնի դոցենտ Ժենյա Ռոստոմյանը պատմեց ժողովրդական ավանդույթում օրորոցայինների եզակիության և նշանակության մասին։

Հոկտեմբերի 23-ին Ռուս-Հայկական համալսարանում տեղի ունեցավ բաց դաս՝ նվիրված ժողովրդական բանահյուսության հնագույն ժանրերից մեկին՝ օրորոցային երգերին։ Միջոցառումը միավորեց ուսանողներին և դասախոսներին՝ հնարավորություն տալով նորովի նայել այս ժանրի նշանակությանը տարբեր ժողովուրդների մշակույթներում։

ՌՀՀ-ի հայոց լեզվի և գրականության ամբիոնի վարիչ Գայանե Գևորգյանը ողջունեց հյուրերին և մասնակիցներին։ Նա ներկայացրեց միջոցառման թեման և նշեց, որ հանդիպման ընթացքում մասնակիցները հնարավորություն կունենան լսել օրորոցայինների օրինակներ և իմանալ դրանց մասին հետաքրքիր փաստեր։

Հայոց լեզվի և գրականության ամբիոնի դոցենտ Ժենյա Ռոստոմյանը պատմեց ժողովրդական ավանդույթում օրորոցայինների եզակիության և նշանակության մասին։ Ռուս-Հայկական Համալսարանի ուսանողները, իրենց հերթին, կատարեցին երաժշտական համար՝ երգելով «Եկ, իմ սոխակ»։

Միջոցառումը կազմակերպվել էր Ռուս-Հայկական համալսարանի Բանասիրության և միջմշակութային հաղորդակցության ինստիտուտի հայոց լեզվի և գրականության ամբիոնի կողմից։